Cunties de saus y cultura ladina

Le müs nü dla teritorialité

Le rebranding de Plazores cunta na storia d’amur danter la tradiziun culinara y l’inovaziun. Chiló se moscëda la scemplité cun la coriosité, cherian na sinergia magica danter l’ostí y la tera.

I valurs fondamentai dl brand – umilté, teritorialité y inovaziun – é le cör dla strategia de branding y garantësc na comunicaziun de consistënza y completamënter fata sön mosöra. I archetips dëida da definí n’identité destintiva: le sapiënt y l’esploradú rapresentëia l’autentizité y les raisc sotes tla tradiziun locala y tl medemo tëmp inovaziun; la porsona zelebrëia la genuinité y la scemplité dla vita da munt.

Por renforzé le liam cun le teritore, unse integré le lingaz ladin tla strategia de branding, incarnada tla byline “Dales mans, n mangé sinzier”, testemonianza dl impëgn da ofrí na spëisa sinziera, fata a man, do la sajun, y incarnaziun de pasciun y dediziun por n’ospitalité genuina.

Na zelebraziun dl teritore

N’evoluziun visiva danter autentizité y inovaziun

Ciaran al dagní cun respet por le passé, mët la marca adöm armoniosamënter tradiziun y inovaziun. L’identité nöia de Plazores cunta de artejanat y teritorialité cun formes y corusc scëmpli, da tonalités netes y da contrast. La paleta cromatica tol ispiraziun dai corusc naturai dla tera. Le pattern, metü adöm da ogec rudimentai che sotliniëia la scemplité dla filosofia, é cherié da ilustraziuns de ingrediënc y massaries da cujiné y decorëia de vigni sort de surasperses. L’icona de Plazores, tuta dal pattern instës, rapresentëia n per de contignidus de ceramica, che contëgn le patrimone cultural ladin. Deperpo che la tipografia combinëia l’aspet rustich y tradizional cun na nota coriosa y inovativa.

Preservan l’autentizité

Rustich modern y digital

Le web design de Plazores é gnü ponsé por presservé l’autentizité y le cialt rustich che caraterisëia le post, arichin le design digital cun elemënc ilustratifs dl pattern. Chisc detais ne arichësc nia ma l’estetica dl sit, mo é ince n refles de süa identité inraijada tla tradiziun. La tonalité dl proiet tol ite döt le sit web, cuntan na storia che abracëia deplü co dui secui de storia, cun raisc sotes tl passé y cun n edl proieté tres devers dl dagní. Les imajes pëia l’essënza de mans che laora, impastëia, coltivëia la tera, ti fej aicia ai tiers y presentëia capazes ci che é gnü arjigné de bun da porté sön mësa.

www.plazores.com

Sce nosta manira da fá te plej y t’os nes contaté, sunse chiló:

Pulsëia cun nos

Proscim proiet Bonvivar