Bonvivar: la forza de trëi sorus tl cör dla strategia de branding

Canche les trëi sorus de Bonvivar nes á presenté so proiet, ê so obietif tler: se desfarenzié danter les strotöres de Livigno cun n’ospitalité autentica, früt de pasciun y dediziun. Cun sües raisc sotes tla tera dl Pice Tibet pita les sorus n’acoliënza sinziera y familiara, ciaran da promöie tl medemo tëmp le teritore y süa storia.

Tratan le workshop, él gnü fora che le dër USP de Bonvivar é l’uniun armoniosa dles sorus, che garantësc n’acoliënza straordinara y che arichësc l’esperiënza dl ghest, che á la poscibilité da vire le teritore sciöche un dl post.

Ispirada dai archetips dl Angel Custode, dla Porsona Normala, dl Creatur y dl Amant, zelebrëia la strategia de comunicaziun la genuinité y l’empatia, cherian n’identité de na marca unica combinan passé y presënt.

Tl mëteman, â le proiet de Bonvivar n inom che ne dijô nia fora deplëgn l’unizité y la profondité dl’ospitalité pitada dales trëi sorus. L’inom “Bonvivar”, che vëgn dal dialet livignasch y che an pó traslaté leteralmënter sciöche “vire bun”, é gnü chirí fora cun atenziun por comuniché la filosofia a ce dla strotöra. “Bonvivar” ne stlüj nia ma ite le conzet de vire bun, mo simbolisëia ince n liam sot cun le teritore. L’adoranza dl dialet, enfatisëia l’umilté y la scemplité dla vita tles munts y de süa jent. Plü co ma n inom é Bonvivar n’audanza, n stil y n mood che incarnëia la poscibilité da vire la munt te na manira autentica y che dá sodesfaziun.