Südtirols Süden: olache la tradiziun alpina abracëia la fascinaziun mediterana

Por gestí la complessité che vëgn a s’al dé dala presënza de deplü decision maker, unse surantut na metoda basada sön workshop personalisá, tolon ite i portausc dles assoziaziuns locales. Te chëstes incuntades, á vigni partezipant albü l’ocajiun da porté dant sües idees, contribuin ativamënter ala definiziun dla strategia. Dilan a chësta colaboraziun, unse svilupé na brand identity bona da respidlé les aspiraziuns dla comunité y da renforzé le sëns de portignënza a na vijiun unica.

Le cör dl’identité visiva de Südtirols Süden é le «portal», n elemënt che vá sura l’estetica fora y devënta n simbol significatif dl patrimone cultural y geografich rich dl raiun. Tl’incrujada danter cultura todëscia a nord y chëra taliana a süd, funzionëia Südtirols Süden sciöche n portal metaforich che coliëia tradiziuns, lingac y stories. I un cherié aposta n font sön mosöra por le logo, acompagné da na paleta de corusc vis, por ti dé espresciun ala varieté y ala vitalité dl teritore.

La visual identity de Südtirols Süden se destënn sön tröc touchpoints, cherian n lingaz visif flessibl, coerënt y da conësce fora. I un definí les linees de referimënt y grid systems tlers y detaiá por materiai sciöche poster, brosciüres, presentaziuns, template por i social media, bandires y roll up, garantin na comunicaziun uniforma y profescionala. Por garantí na coerënza tla realisaziun y por sauridé le barat de dac danter i player dla comunicaziun desvalis, unse svilupé n sit internet dediché, che cöi adöm düc i asset y les informaziuns nezesciares. I un cherié n set de icones dessignades sön mosöra, metüdes ite te na scritöra, por rapresenté te na manira tlera i sorvisc y l'oferta dla destinaziun. Proietades por respogne ales esigënzes dl cliënt, ti pita al team n stromënt pratich por la comunicaziun sön i materiai stampé.