N iade tla direziun de orizonc nüs

Le rebranding cosmopolit de German Bottle Shop

German Bottle Shop, metüda sö tl 2017, é n’aziënda irachena, che s’á spezialisé sön la venüda de boandes premium. Por se adaté al marcé y arjunje poscibilités nöies, á l’aziënda invié ia n prozes ardí de rebranding. Chësc prozes respidlëia süa identité cosmopolita y ó arjunje porsones che chir n standard de vita alt y che é davertes a aventöres y descurides. Döta la strategia de comunicaziun é gnüda ponsada por chësc publich. Vigni aspet dl’identité visiva é gnü cherié cun l’obietif da respidlé süa mentalité, posizioné German Bottle Shop sciöche na marca por düc che che ó descurí orizonc nüs y sotlinié che vigni boza cunta na storia, é n iade y pita n’esperiënza completa.

Zënza confins

Le logo nü, le punt culminënt de chi che à vëia da fá

Le logo nü de German Bottle Shop é n logotip, ispiré al monn dl café y al’estetica di placac di aeroporc y simbolisëia le rodé le monn zënza confins. Chësc logo incorporëia te na manira elocuënta l’essënza dl’aventöra y dl’imprenditoria y cun n’identité visiva che salta tl edl atirëia debota l’atenziun dl publich. So stil contëgn elemënc che recorda i iadi, cun chertes stilisades y contures de continënc che rapresentëia l’idea dla chirida y descurida. Le logo é tlermënter n invit da fá n iade straordinar tl monn dles boandes premium, che German Bottle Shop pita.

N’imerjiun tl monn dles boandes

German Bottle Shop, l'identité che vibrëia

La paleta de corusc stersc de German Bottle Shop é n’imerjiun autentica tl monn dles boandes, cun tonalités riches y rafinades. Le pattern, pert integranta integrala dla visual identity, simbolisëia l’impostaziun globala y cosmopolita dl’aziënda y rapresentëia l’inrescida y la descurida de aromesc da döt le monn. Por ci che reverda la tipografia, é la dezijiun da tó le font GT Ultra" na dezijiun ardida y rafinada, che rapresentëia la gran cualité dl’ert artejanala. Chësc font cun sües linies licuides y süa eleganza rafinada trasmët n sëns natural por i detais, n elemënt zentral dl’esperiënza che German Bottle Shop ti pita a sü cliënc te sües botëghes speziales.

Na cuntia unica, deplü touchpoints

L’impëgn por l'ezelënza

La realisaziun dl’dentité nöia dla marca de German Bottle Shop rapresentëia n’evoluziun emozionanta, che trasformëia vigni touchpoint te n’esperiënza straordinara. Dala cherta da vijita ala tascia da cumpré ite, dala boza de papier sostignibla cina ala box da scincunda eleganta, vigni elemënt respidlëia l’impëgn por la cualité alta y l’amur por le detai. Les uniformes dl team incorporëia la profescionalité y l’impëgn che determinëia vigni aspet dl sorvisc, deperpo che le design dles scafes trasmët l’atmosfera unica y inviënta di afars. Chësta brand identity vá sura l’estetica fora: ara rapresentëia na impormetüda de cualité, n’aventöra y na vijiun deboriada, che German Bottle Shop ó ti pité a sü cliënc, por trasformé vigni bocia te n’esperiënza da nia desmentié.

Sce nosta manira da fá te plej y t’os nes contaté, sunse chiló:

Pulsëia cun nos

Proscim proiet Termoladinia